Irish musician Rory Gallagher chuan chawl lo va zai rei thei record a siam a, darkar riat chhung a a zai a, Guinness World Record, chawl lo va zai rei thei ber record a siam.
Rory hian zai lai hi Facebook Live a tihchhuah a ni a, mi sang tam takin an lo thlir a ni. Rory hi August ni 8 tlailam dar 5 atangin Facebook-ah hian a live tan a, a zai char char an August ni 9 zing zing dar 1 thleng a zai a, a zai hun chhung hi darkar 8 leh second 9 a ni.
Rory hi hei aia rei pawh hi a la zai thei a, mahse, Facebook-ah hian darkar riat chin chauh a live theih avangin a darkar 8 leh second 9-ah a tawp ta a ni.
Rory hi Facebook-in darkar 8 chhung live an phal chin chawl lo va zai tlang parh thei hmasa ber a ni bawk. A live stream hi entu an tam vanglai chuan mi 50,000 te an tling hial a ni.
Rory hian thla kalta khan record hi siam a lo tum tawh a, mahse, internet connection lamah harsatna a tawh avangin a puitlin thei ta lo a, tunah chuan harsatna nei lovin record a siam ta a ni.
(THE AIZAWL POST – Phuah Pawlh)
Full>> ePaper Subscribe
