Zaipawl Intisiak a Pakhatna Electric Veng YMA Zaipawl
R. Thangmawia Hriatrengna Group/Zaipawl Intihsiakna neih zawh taka Electric Veng Branch YMA Zaipawl chu Pakhatna niin, Soli Deo Choir, Chhinga Veng Pahnihna an ni. He intihsiaknaah hian Pakhatnain lawmman Rs 2,00,000 leh music video siamna tur Rs 30,000 an dawng a, Pahnihnain Rs 1,00,000 an dawng ve thung. Mizorama zaipawl intihsiakna awm tawhah chuan lawman that berna a la ni,
He intihsiakna hi R Thangmawia Tu leh Fate buatsaih niin, September ni 17 atanga tanin, September ni 18 zan khan Dawrpui Multipurpose Center-ah a hmawrbawkna neih a ni a, intihsiaknaa tel zawng zawng hnena participation prize pek vek an ni a, Top 7 a lang te hnena consolation prize pek an ni bawk.
He zaipawl intihsiak-a hian zaipawl leh rimawi lama sulhnu nei tha tak tak Rinzauva Sailo, Peter Zohmingthanga leh Prof. Lalnundanga te chu endiktu an ni a, intihsiaknaah hian “Aw Hnam Vannei Te U” tih hla chu sak ngei ngei tur (compulsory) a ni a, Pakhatna ni ta Electric Veng hian an hla pahnihna atan “A Na Ka Ti” tih hla an sa tel bawk. Heng hla te hi R Thangmawia puala phuah a ni.
Zaipawl Intisiak a Pakhatna Electric Veng YMA Zaipawl
