Daily Newspaper

Zanin dar 11:00 hian player lei leh hralh hun runpui ‘Nipui bazar’ a tawp dawn

32

Zanin dar 11:00 hian player lei leh hralh hun runpui ‘Nipui bazar’ a tawp dawn a. A chunga thlalak kan tarlan player panga; Houssem Aouar, Ousmane Dembele, Dele Alli, Jadon Sancho leh Memphis Depay te hi bazar tawpnia boruak nei lian ber ber leh ngaihven rawn hlawhte an ni ang.

Midfielder tha mamawh tak Arsenal chuan Lyon atanga French midfielder Aouar lak tumin an hel reng a, an tum angin an hlawhtling lawk thei lo. Vawiin hian lak tumin thapui an thawh leh dawn a, Emirates Stadium-ah hruai luh ngei an tum ang.

Premier League club lian Manchester United chuan Barcelona atangin French forward Dembele lak an tum a, an hmelma lian ber Liverpool pawhin Dembele hi an hmutai niin tarlan a ni bawk. EPL club lian pahnihte hian Dembele lak tumin vawiin hian tan an khawh ang. United hian England winger Sancho an awt bang thei lova, Borrussia Dortmund atanga lak an bei mek a, bazar tawp niah hian mawngkaw tha nen lam tan an khawh tura ngaih a ni.

Tottenham-a a hmalam hun chiang lo tak Dele Alli hi French Ligue 1 champion Paris St-Germain in loan a hawh an duh a, vawiin hian hawh fel theih an tum ang. Barcelona manager thar Ronald Koeman chuan Netherland team-a a lo hrual tawh thin Memphis Depay hi Nou Camp-ah lak luh a duh a. Bazar tawpniah hian lak tumin tan a khawh hle tura ngaih a ni. Depay hi Suarez hmunruak luahtu tura an player mamawh niin a hriat bawk.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy