Zawlbuk Group YMA inkhawmpui

Zawlbuk Group YMA inkhawmpui
Zawlbuk Group YMA chuan Seling-ah Zirtawpni khan inkhawmpui vawi 45-na an hmang a. Tawi bialtu MLA, minister Prof. Lalnilawma’n a hmanpui.
YMA chu sawrkar department nen tuihna humhalh kawnga thawk dun reng an nih avang leh pawl hlun ber pawl a nih angin, sawrkar pawhin a ngaihlu hle tih PHE minister Prof. Lalnilawma hian a sawi a. YMA-in kumpuan – ruihhlo do a kalpui pawh tha a tih thu sawiin, ram hmasawnna tura YMA hmalakna zahawm a tih thu a sawi.
Zawlbuk Group YMA huamchhunga khaw hrang hrang tan, tui leh kawlpetha lama an hnianghnar lehzualna tura hmalakna kal mek a sawi a. Vawmhraw tui lakna tur project – Thingsulthliah, Tlangnuam leh Seling chawm tur leh Zawlbuk huamchhung khuaten kawlphetha hnianghnar zawka an hmuh theihna tur Thingsulthliah Power & Electricity Sub-Station tih changtlunna project chu sawrkarin a pawm tawh tih a sawi bawk.
Tun dinhmunah Zawlbuk Group YMA huamchhungah hian branch 24 awmin, member 11690 an awm a. Central YMA hnuaia Group lian ber an ni mek.