Daily Newspaper

ZDU-in a tawp thlen tum

8

Tunhnaia Cachar driver pawl nia insawiten Mizo tanker driver-te kut an thlak chungchangah Zoram Driver’s Union chuan driver kut tuarte tana an thil phut a hlawhtlin hma chuan a tawp thlenga hma lak an tum tih an sawi a. A tul a nih chuan Cachar driver-te hian Mizoram leilung an rah theih lohna tura hma lak hial an tintuah tih an sawi.

ZDU Gen. Hqrs. thuchhuak chuan, Cachar driver-ten an duh hun huna Mizoram chak lakna ber kawng an danchah sak fo chu tha an tih loh thu an sawi a. Chumi rual chuam an driver puiten kut an tuar fote, an eizawnna lirthei tihchhiatsak an ni fote chu thleng tawhlo se an duh tih an sawi.

September 12 zana Lailapur-a Mizo tanker driver-te kut lo thlak a, an lirthei tihchhiat saktute chu man chhuah ngei an phut thu sawi nawnin, ‘Tuna kuttuarte leh lirthei an tihchhiatte hi zangnadawmna leh an inenkawlna pe ngei turin kan phut a. An pe lo anih chuan ZDU chuan a tawp thlenga hma lakpui kan tum a. Kan tum anga thil a thleng lo a nih chuan Cachar driver-te hian Mizoram leilung rap theilo tura hmalak kan tum a ni,’ an thuchhuak chuan a ti.

Hemi atan hian hmalakna tur hrang hrang duan a nih thu leh September 21 hian lirtheia eizawng pawl hrang hrangte thukhawm pui an tum thu ZDU hian a sawi a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy