Ram thenawm buaina avanga Zohnahthlak raltlante an lo enkawlnaah YMA Zemabawk Branch hnenah chief minister Zoramthanga chuan lawmthu a hrilh.
A bial, Aizawl East-I huamchhunga ami Zemabawk YMA-in bungraw dahna in, Library leh YMA chanchinbu chhutna atana an hman building a hawnnaah chief minister chuan, Zemabawk YMA-in thenawm ram buai avanga raltlante lo buaipuia ei tur thlenga an pek thin avangin lawmthu a hrilh a; hun harsa tak an tawh thinte chu hun tha zawk atana chherhriamtu atan leh chona atan hmang turin a chah.
A bial mipui chu bial hmasawnna tura mamawh an neihte a hnena thlen zel turin a chah a; a theih ang angin a tahtawla tihhlawhtlin zel a tum thu a hrilh.
Building hawn tak hi MLA Fund cheng nuai 2 senga sak a ni.
Zemabawk YMA chungah CM lawm
