Zendaya leh Tom Holland India-ah

Zendaya leh Tom Holland India-ah
Zendaya leh a chhas Tom Holland te chu March ni 31 khan Mumbai-ah an thlawk lut dun a, India-ah hian engti tura rawn kal nge an nih tih puan a la ni lo. Spider-Man changtupa leh changtunu te hi hmanni lawk khan London-ah chhungte inhmuh puiin an cham deuh reng a, tunah Mumbai-ah an rawn inzui thleng leh ta zel a, an pahnih hian an ‘serious’ viau tih a lang chiang e.
Mumbai airport-ah an rawn tum hian Zendaya a inthuam casual viau a, sweatshirt dum leh leggings leh shade nen, a sam a tawng kawh deuh lah bawk a, Tom pawhin kawr senno leh jeans hain, jacket dum leh baseball cap khumin, backpack a ak bawk.
March thla tawpah khan an pahnih hian Tom-a chhungte, Dominic Holland leh Nikki Holland te tlawhin, London-ah an cham deuh reng a, an inzui dan hi a satliah lo hle tihna a ni. An pahnih hian kum hnih vel chu an inzui ve tawh a, March ni 20 khan Zendaya hian a Instagram video-ah zungbun ‘TH’ tih cuang kalh mai a bun chu a tilang tawh bawk.
Zendaya leh Tom hi Nita Mukesh Ambani Cultural centre, Mumbai-a hawnaah pawh an tel a, he event-ah hian Bollywood milar bakah Hollywood milar te pawh an inlan nual a, Tom leh Zendaya bakah Gigi Hadid leh Penelope Cruz leh Law Roach te pawh an tel a, Bollywood milar rual, Shah Rukh Khan, Salman Khan, Janhvi Kapoor, Malaika Arora, Arjun Kapoor, Saif Ali Khan, Madhuri Dixit, Gauri Khan, Suhana leh Khushi Kapoor te pawh a lang sar pawl an ni.