Daily Newspaper

Zirlai tithate chawimawi

11

MBSE hnuaia HSSLC result 2020 tihchhuah taka Arts, Science leh Commerce stream-a topper-te chawimawina chu Mizo Zirlai Pawl chuan Thawhtanni khan a buatsaih.

He huna thu sawitu MZP Gen. Hqrs. president B. Vanlaltana chuan chawimawi phu leh chawimawi tlak nia an hriatte MZP chuan a chawimawi thin, tiin, tuna an chawimawite chu ram leh hnam leh khawtlang tana malsawmna ni zel turin an beisei dawn tiin a fuih.

Kumin HSSLC exam hi zirlai 12324 ten hmachhawnin an zingah 9677 an pass a; Christina Lalchhandami, Greenland HSS Aizawl leh Lalhlimpuii, St. Joseph HSS Aizawl te Arts atangin pakhatna an ni a. Science atangin Lalremsiama Darchhun, St. Paul’s HSS Aizawl pakhatna a ni a. Commerce atangin Lalhriatpuia Ralte, St. Joseph HSS pakhatna a ni. Topper-te hi MZP chuan lawmpuina thuziak leh lehkhabu, an zirna atana tangkai tur a hlan a ni.

An ni bakah hian Vanlalvenhimi, Durtlang HSS atanga Mizoram puma top ten-a inhlangkai chu topper-te chawimawina hlan an nih rual hian lawmpuina hlan a ni.

Thawhtanni vek khan School Education minister Lalchhandama Ralte chuan a office chamber-ah HSSLC result chhuaka Arts stream topper Lalhlimpuii d/o Vanlallura, Darlawn lawmpuina a buatsaih a. Minister chuan Lalhlimpuii chu khawhmuhna lamah harsatna nasa tak tawk mah se, harsatna buan hneha topper a ni thei chu ropui a tih thu a sawi a. A hlawhtlinna chu Tuivawl bialtu a nihna ang leh School Education minister anihna in a lawmpui tih a sawi.

Minister hian Lalhlimpuii lawmpui nan leh a zir chhoh zelna puitu atan laptop a pe a. School Education commissioner & secretary Esther Lalruatkimi’n Civil Service Preliminary leh Mains Exam atana inbuatsaihna tur lehkhabu a pe bawk.

ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy