Zirlaite rilru hriselna enpui dawn

Lawngtlai district-a zirna inah zirlaite rilru hriselna enpui an ni dawn.
District Monitoring Committee on Student Mental Health Lawngtlai chu Thawhtanni khan an chairman, bawrhsap Donny Lalruatsanga kaihhruaiin an thutkhawm a. Chairman chuan, kumin April 17-a Supreme Court thuchhuak, school leh coaching centre-ah zirlaite rilru hriselna endik leh a tul anga counseling neih tura a tih angin, Lawngtlai district-a zirla rilru hriselna zirchian leh tanpui an ngaihnaa tanpui theih a tul tih a sawi. Zirlai naupangten rilru hrisel tak an neih a pawimawh tih sawiin, zirna kawnga hlawhtlinna chang tur pawhin taksa leh rilru hrisel an neih a tul a, hemi kawngah hian zirtirtu leh nu leh paten an bawhzui a tul tih a sawi a ni.
Thutkhawmah hian school (sawrkar & private) tinah Student Mental Health Committee din nise, an ti a. Kar khatah period khat tal mental health chungchang zirtir nise, an ti. District Mental Health Inspection Team din a ni a, a kaihhnawih sawrkar hotute leh pawl hrang hrang aiawh an tel a. clinical phsychologist an tel bawk.
District Mental Health Inspection Team hian quarter tinin vawikhat school-a hmalak dan an endik anga, periodic (quarterly) report an pe thin dawn a ni. Referral Case Committee pawh din nghal a ni bawk.