Mizoram School Education department leh sawrkar laipui hnuaia NCERT chuan National Education Policy 2020 kum thum tlinna denchhenin July 29 khan New Delhi-ah PM eVIDYA DTH TV channel chungchangah inremna thuthlung (MoU) an ziak.
Mizoram sawrkar aiawhin School Education secretary Dr Lalzirmawia Chhangte Department chuan a hming a ziahhnan a. MoU ziah hi Ministry of Education-a minister of state pathum – Annapurna Devi, Dr Rajkumar Ranjan Singh leh Dr Subhas Sarkar ten an telpui.
MoU-ah hian sawrkar laipui chuan TV channel a thlawna state-te a pek tur thu leh state-te chu a chhuah tur hrang hrang, zirlaite tana tangkai tur leh an textbook mil zirna puitu siam tura intiamkamna a tel.
India ram pum tana education pual liau liaua Ministry of Education-in a duan TV channel 200 chuang chu a rualin July 29 vek khan hawn a ni a. Heng TV channel hi India ram puma zirlaiten zirna inang leh intluktlang an dawn theihna tura ruahman niin, ‘One Class One TV’ channel tih thupui hmanga siam a ni.
Zirlaite zirna pui thei tur TV channel-ah MoU ziak
