Govt. Aizawl West College leh Magadh University, Bihar te chu Ek Bharat Shrestha Bharat (RUSA) scheme hnuaiah thawk hoin Thawhlehni khan ‘webinar programme’ an hmang.
Govt. Aizawl West College principal Prof. C. Lalthlengliana’n inlawmna thuhma a sawi a. Mi pali – Govt. Aizawl West College atangin assistant professor pahnih – Dr R. Lalsangpuii leh Dr Phillia L. Khiangte ten Mizo culture leh Mizo tawng chungchangah presentation an nei a. Magadh University atangin Prof Vinay Bhardwaj leh Prof Piyush Kamal Sinha ten Bihar culture leh tawng chungchang an sawi ve bawk.
Magadh University vice chancellor Prof Rajendra Prasad chuan inlawmna thuchah a sawi a. Magadh University hi 1962-a din a ni a. Bodhgaya, Bihar-ah awmin constituent college 18 leh affiliated college 39 a nei a ni.
Ek Bharat Shrestha Bharat hi India rama zirna in sang hmun hrang hranga awmte academic thila inlaichinna leh thawh hona neih theihna tura ruahman a ni a. EBSB hnuaiah hian zirna in engemawzat chu an inthlunzawm tir tawh a ni.
(THE AIZAWL POST – Tualchhung)
Full>> ePaper Subscribe
