Daily Newspaper

Zirtirtu lak tharah politics a inrawlh lo – Education minister

18

Aizawl, December 17 : Tunhnaia sawrkarin zirtirtu a lak tharah a thiam thiam, a fit fit lak an ni a, politics a inrawlh lo tih School Education minister Lalchhandama Ralte chuan a sawi.

Nilainia Saitual District Education Office leh District Project Office a hawnnaah School Education minister hian a sawi a. Ram leh hnam chherna pûm berah politics a inrawlh chuan a fuh dawn lo, tiin, “Tunhnaia Hindi zirtirtu lakah pawh a thiam thiam lak an ni a, lak tur qualify-in an daih lo zawk a, tu sawrkar mahin an tih ngai loh chu tun sawrkarah hian tih a ni,” a ti.

Sawrkarin zirna chu hnam thinlung pu chunga kalpui a duh tih sawiin, “Zirlaibu siamah pawh a theih chin chinah hnam thinlung putna tur hi telh tum a ni a, ram hmasawn zelna hian hnam hmangaihna a kalsan ang tih a hlauhawm a ni,” a ti.

All India Service-a Mizo thawk laite an pension zel avangin Mizo nula tlangval an luh tam theih nan screening neiin a thiam thiam mi 20 chu Delhi-ah thawn thlain an senso sawrkarin a tum dawn tih Lalchhandama Ralte hian a sawi.

Khaw tinah Education department chu invalh hmasa a nih thu te, hmunhma pawh a neih that thu te a sawi a. “District thar a pian hian heng hmunhmate hi khawtlangin thildang atan an it mek a. Heng hmunhmate hi duat a, humhalh a ngai. School Education hi department dang ang ni loin mipui ta a ni a, neitu rilru pu turin ka sawm che u a ni,” a ti.

Saitual district tharah hian khaw 41 a awm a, sawrkar enkawl primary school 57, middle school 51 leh Samagra 1, high school leh Samagra 23, higher secondary school 3 a awm a, heng school-ah hian zirtirtu 598 leh zirlai 6,018 an awm a ni.

Read More>> Full>> Epaper Subscribe Now

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy