Mizo Students’ Union hruaitute chuan Thawhlehni khan School Education minister Dr Vanlalthlana hmuin casual teacher lak tur leh Mizoram Education Services neih dan tur an sawipui.
MSU Gen. Hqrs hruaitute hian School Education minister hnenah hian study tour budget tih san leh College Development Fund tih lenna atana zirna in hrang hrangten revenue an chhun thin tihtawp chungchang an thlen bakah casual teacher lak turah rawtna – kum 2013-a MSU leh School Education department inremna chu recruitment criteria pakhata hman theih nise, tih an thlen.
Mizoram Education Services chu a taka hnalaknaah tih thuai a tul thu an thlen bawk.
Minister chuan MSU hruaitute thu thlen chu hma lakna kal mek a ni tih sawiin, study tour atana sum dah pawh allocation tih belh tum a ni tih a lo hrilh a, theihtawp chhuaha zirna hmasawnna atan thawkho zel turin MSU chu a sawm a ni.
Zirtirtu lak turah rawtna thlen
