Champhai District Education Committee chuan an chairman, bawrhsap VL Remliana kaihhruaiin zirtirtu thawk tha chawimawina (State Teachers’ Award 2024) dawngtu C Lalhrilliana, Govt. Vengthlang Middle School Champhai lawmpuina a hmang.
District Education Committee (DEC) chairman chuan DEC-ah tawnhriat ngah tak tak, State awardee leh National awardee-te thlenga an awm chu lawmawm a tih thu a sawi a. State awardee hnenah hian lawmpuina thuziak cheimawi leh sumfai a hlan a ni.
Lawmpuina hman zawh hian District Education Committee hi an thukhawm nghal a. Samagra Shiksha Champhai District-in kum 2023- 2024 chhunga an achievement report ngaihthlak niin, kum 2024- 2025 a hmalakna tur Project Approved Board-in a pawm tawh chu hma lak theih tura pawm a ni bawk.
Drining water facility leh toilet convergence chungchang pawh sawiho niin District Rural Development Authority (DRDA) nen thawhho dan kawng zawn a, sikul tin ten tui thianghlim in tur leh inthiarna tha an neih theih nan hma lak nise, tiin an rel.
ICT intervention hnuai atanga sawrkar enkawl primary school tin hnena sem tur tablet chu bawrhsap hian school aiawh Block Resource Center (Champhai leh Khawbung ) hnenah a hlan a ni.
Zirtirtu tha award dawngtu lawmpui
