September ni 5, Zirtirtute Ni-ah khan Dr Zoramdinthara’n National Award to Teacher for Higher Education 2025 a dawng.
Vigyan Bhawan, New Delhi-ah India president Droupati Murmu hnen atangin Dr Zoramdinthara, Associate Professor & Head, Department of Mizo, Mizoram University hian he chawimawina hi a dawng a ni.
He chawimawina hian silver medal, certificate leh pawisa fai Rs 50000 a keng.
National Award to Teacher for Higher Education hi India hmarchhakah Dr Zoramdinthara hi a dawng hmasa ber a ni a, 2015 khan State NSS Award for Programme Officer chawimawina a lo dawng tawh a, 2016-ah khan khatih laia India ram president Pranab Mukherjee hnen atangin Indira Gandhi NSS Award for Programme Officer chawimawina a lo dawng tawh bawk.
2025-ah hian zirtirtu chawimawina hi higher education-ah mi 21-in an dawng a, school education-ah mi 45-in, skill & entrepreneurship ministry atangin mi 15-in an dawng a ni.
Zirtirtu tha chawimawina dawng
