Saitual district-a zirtirtu tha chawimawina dawng tawhte chu Ningani khan district bawrhsap Dr Lalngura Tlau chuan a office-ah lawmpuina a hmanpui.
Saitual district chuan zirtirtu chhuanawm tak tak, national, state leh district awardee an nei chu lawmawm a tih thu bawrhsap hian a sawi a. Zirtirtu indaih loh avanga harsatna tam tak awm thin chu a pawi a tih thu sawiin, awardee-te chu naupang zirtirna kawngah theihtawp chhuah zel turin a chah.
National awardee (2016) R Lalthasiama, State awardee (2024) T. Lalramnghaka (Govt. Selchhunga P/S Saitual headmaster), District awardee (2021) Zionthanga (Presbyterian English School Keifang prinical), District awardee (2022) Caleb Lalhmachhuana (Keifang HSS principal), District awardee (2021) G Lalhriatpuia (Govt. M/S Tawizo) te chuan thu sawiin, zirtirtu an nih anga an tawnhriat leh an veizawng an sawi.
Zirtirtu tha chawimawite bawrhsap-in a lawmpui
