Daily Newspaper

Zirtirtu thawkte ban phut hi a pawi – MNF Thalai

21

Hrileng avanga mumal taka zirtirtu indaihlohna lak theih a nih hmaa, Mizoram sawrkarin thawktu lailawk a lakten tangkai taka hna an tawh mek laiin, an ban phut tu an awm chu pawi an tih thu MNF Thalai chuan an sawi.

MNF Thalai Hqrs. thuchhuak chuan, MNF party-in zirna ngaipawimawhin SEDP-ah a tihhmasawnna tur a dah tel a, chumi kaihhnawihah sikul zirtirtu indaihlohna phuhruk a nih theih nan hma la in, middle leh primary school zirtirtu thahnem tak leh Hindi zirtirtu engemawzat lak an ni tih a sawi. Hei hian rah tha chhuahin, tunhnaia sawrkar sikulah nu leh pate leh naupangten rinna nghat chho zelin, Mizoram puma sawrkar sikulah nasa takin zirlai an tam belh tawh niin a sawi.

High school lamah pawh zirtirtu indaihlohna nasa chu sawrkarin hriain, high school zirtirtu 157 lak phalna 2020 kumtir khan pek niin, MPSC lak tura tih ni mah se, Covid hrilen tak avangin lak theih a ni ta lo tih a sawi. ‘High school tam tak chu zirtirtu indaihlohna avangin an mangang a, MPSC kaltlanga zirtirtu lak theih a nih hma atana indaih lo zual phuhrukna tur chu Education minister-in mutmawh hnarmawha neihin, SEDP atanga tih dan kawng zawngin chief minister hnenah a thlen a, chief minister hian zirna ngaihpawimawhna avangin hrileng avanga sum harsat em em laiin rem a lo ruatpui a ni,’ a ti.

Hemi chungchang hi Education minister hian a sawichhuah tawh thu leh 2021 January 21-a sawrkar thuchhuahah tarlan a nih nghe nghe MNF Thalai thuchuhah hian a sawi a. Chutianga sawrkarin ruahmanna a siam ang chuan, sikul lamah grant -in- aid pe in Managing Committee mawhphurhna in, a khawtual mi, thiam tak takten lawmman tlemte dawngin tlawmngaihna nen khawtlang tana an thawk tih a sawi.

Hetiang hun harsa tak kara zirna ngaipawimawha remhre taka ruahmanna siam a ni hi lawmawm a a, a zar zotu high school tam takte pawh kan lawmpui a, kumin an result-ah sikul engemawzatin hmasawnna an nei nia lang ta hi lawmawm kan ti hle a ni,’ a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy