Daily Newspaper

ZMC-ah ventilator hmanga enkawl 17 awm

15

Mizoram sawrkarin Covid-19 kaihhnawiha inenkawlna pui ber tura a ruahman Zoram Medical College – State Referral Hospital Falkawn intensive care unit ah hri kai enkawl mek 35 awmin an zinga 17 hi ventilator hmanga enkawl an ni.

July 19 tlai dar 5.00 thlenga report danin, ZMC-SRHF Covid ward hrang hrangah nimin bikah hian hri kai 27 leh a awmpuitu tur 2, an vaiin mi 29 dahluh thar an awm a. ICU leh ICU Extension-ah 35 awmin 17 chuan ventilator an hmang a ni. Ward hrang hrangah ICU-a awmte nen, an vaiin 249 enkawl mek an ni a; an zingah oxygen mamawh 64 awmin, damlo awmpuitu 62, naute 2 leh hrikai rinhlelh 1 an awm tel a, heng zawng zawngte nen hian ZMC-a Covid kaihhnawiha awm mek hi 313 an ni.

Nimin khan hri kai enkawl dam tawh 15 leh hmun danga enkawl turin 5, an vaiin mi 20 chhuahtir an ni a. Nimina ZMC-SRHF a Rapid Antigen Test a 72 endik atangin hri kai thar 1 hmuhchhuah a ni. Nimin hian ZMC RT-PCR laboratory-ah sample 2750 vel endik tura ruahman niin, nizan/tukin hian result a chhuak tura beisei a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy