Dr Keihawla Sailo
Chanchinbua Thliarkar Dang Ngaihdan Dek Che Tham tura thuziak hi chawlhsan ka tum mek laiin, UNO Thupuan kum 2007-a mi hi ziah nawn awn awn loh chuan kan thangharh thei si lova; ka thai lang leh hlek dawn a nih hi.
Zofate hi Israel hnam nen khuan Pathian hian min hman tangkai a tum hle laiin, min hruai a tum dan hi hrethiam thlawt lo kan ang.
Israel fate chu Aigupta sal ata a hruaichhuak a, thla hnih leka an chatuan ram tura Lalpa ruat thleng thei mai tur, thlalerah Lalpa thu an awih loh avangin kum 40 lai mai then kualtirin an awm a. Hruaitu lian Mosia ngei pawhin Pathian chawimawi lova, ama tih tih theih ang hrima tawngkam a chhakchhuah zauh avangin Kanan ram a thlen ve Lalpa’n a phal ta lo a nih kha.
Josua hun atang chuan Kanan ram tha zawng zawng an luah a. Lal Davida hunah lek phei chuan an ram a zau nangiang a. Mahsela an Lalten Pathian thu awih lova hnam dang, ringlo mite nupuiah nei a, Aigupta ram ata hruai chhuaktu an phatsan zui tak zel avangin Israel ram chu Mizoram tiat awrh chauh a lo nita a nih khu.
Zofate hi Israel fate ang bawkin Pathian Hnam Thlan kan an vena lai i han au chhuahpui leh mawlh teh ang u hmiang.
Kum 1935-a, Govt of India Act an siam Article 311, section (1)-ah chuan, “Tribal Areas, means the area along the frontiers of India or in Baluchistan which are not part of British india or of Burma or of any Indian State or of any Foreign State”, a lo ti kiau a lawm mawle!
A awmzia chu- Tlangmite ram chin chu, India emaw Baluchistan ramri hrula awm, British India ram emaw Burma emaw India State khawimah chhunga pawha awm map lo a ni.
Tin, Article 262(1) ah ngei pawh, British khua leh tui ni ve lo, Sorkar hnathawk ve theite; a tihah ngei pawh a chuang leh kalh a:- The Ruler or a subject of a Federated State shall be eligible to hold any civil office under the Crown in India in connection with the affairs of the Federation and the Governor-General may declared that the Ruler or the subjects of any named subject of a specified Indian State which is not a Federated State or the natives, or any named native of a specified tribal area or territory adjacent to India, shall be eligible to hold any such office.
A tawi zawngin let ta mai ila :- ‘Lal emaw, a khua leh tuia mi emaw, Tribal area chhunga cheng Tribal reng reng chuan British khua leh tuia chhiar chiah ni mah suh se, British sorkar hnuaia office hna an chelh ve thei ang’, a lo ti leh kiau alawm mawle.
Chutiang deuh bawk tak chuan Vawina India Constitution chhut 12-na Article 1 section (3), the territory of shall comprises:-
(a) The territories of the States,
(b) The Union territories specified in the first scheduled,
(c) Such others territories as may be acquired.
Heta ‘As may be acquired’, a tih hi a hnuaia inziak (Note)-ah chuan hetiang hian a hrilhfiah leh kiau a- “Of course, a foreign territory would not come under article 1 (3) (c) until there is legal transfer of the territory to India so as to constitute acquisition in international law”.
Keini, Zofate chu Article 1 (3) (c) a mite chiah chiah khi kan nih chu! International Law (Khawvel Dan) dungzui thlapa awm tur kan nih chu.
India, Burma leh Baluchistan ramte inkara awm Zofate, Khasi, Garo, Naga etc. te chu Tribal Area (ram) angin min lo hria a. Chung mite chiah chu a niUNO pawhin “Indegenious People”, min lo ti a. Chutiang mite chuan khawvelah buaina kan ngah bika, awpbeha kan awm fur chu hria-in, kum 2007 September thla khan mahni duhthlanna (Self- determination) nei thei turin Thupui an siam ta a nih chu. An thupuan chu, “UNDRIP (United Nations Declation on the Rights of Indegeneous Peoples)”, an ti a.
Chu Thupuan Articles 3, 26,42,45,46 (2) leh (3) tsanchhanin, Article 46 (1) chuan chu chu khap angin a lehlin ve theihna lai a awm. Mahse chu chu ram pakhat chhunga lo awm reng tawh thin tan a ni bik.
Keini erawhchu khawi ram hnuaiah mah la awm ngai lo thin kan ni a- India, Burma leh Bangladesh hnuaia then darha kan awm hi kan duhna anga awm kan ni lova. UNO Thupuan ang thlap hian kan dikna chanvo sawi ve zel thei kan ni.
Hetiang hun tha, hun rangkachak kan neih mek hi a liam mai dawn. Kumin April ni 15-26,2024 khan New York City-ah Permanent Forum-ah sawihona a awm a. July 12,2024 hian Geneva, Switzerland ramah sawihona a awm leh dawn a, kan tel ve loh vaih chuan thangtharten min dem ang. Kum 2030 khian UNO in chinfel tumna an nei a. Chuta tel ve pha tura kan hmalakna beitham lutuk hi thangtharten min la nuih zat dawn.
|halaite u, harh a hun, kei hian tih theih ka nei tawh si lo, ka phak tawk chu chanchinbua mite hriata puanzar chauh hi a lo ni ta si a. Tun bak hi chu ziah pawh ka ziak peih tawh kher lo vang. Lalpa hming lam sia sual kalsan si lo ho hi, Pathianin a hruaina zawna kal lova an bawhpelh avanga Israel ho talbuai thin ang bawkin keini, Zofate pawh hi talbuai zui zel tur kan iang i ti ve lo maw?
Tin, July, 2024-a pawha Geneva-a kan zu au chhuah loh fo chuan, thangtharten min la dem dawn mathlawn lo a ni. Kumina Chapchar Kut hmanga rawn tel ve chaka, Training rawn pek chak em em tu, UNO mithiam Joshua Cooper kan lo dawngsawng ta lo kha pawi ka ti hle.