Champhai district Zokhawthar-a Myanmar lam nena insumdawn tawnna tihhmasawnna atan SASCI kaltlangin cheng nuai 1500 hmanga hna thawh mek a ni tih minister TJ Lalnuntluanga chuan a sawi.
Zirtawpnia Zokhawthar Middle School-in sawrkar school-a hlankai (provincialised) an nih an lawm a hmanpuinaah Champhai South bialtu MLA ni bawk TJ Lalnuntluanga chuan Zokhawthar border trade hi kan economy innghahna hmunpui ala ni zel dawn a, state sawrkar pawhin ruhrel bunbelh kawngah leh inkalpawhna siamthat kawngah hma ala zel tih a sawi.
Zokhawthar border trade tihmasawn tur hian SASCI kaltlangin cheng nuai 1500 hmanga hna thawh mek a nih thu leh Melbuk leh Zokhawthar inkar kawng siamthat nan SASCI sum, nuai1350 ruahman fel a nih tawh a sawi a. Heng sawrkar hmalakna hi a hlawhtlin ngei theihnan thawhho puiah mipui a sawm tih a sawi a ni.
Zokhawthar Middle School chuan doctor, MBA, lawyer leh hna pawimawh hrang hrang chelh a chherchhuak thei chu a chhuanawm tih minister hian a sawi a. Champhai district-a school ruhrel ti hmasawn turin School Education department nen tang dunin, director leh Department thawktu dangte nen pawh inspection neih a ni tawh tih a sawi.
Zokhawthar Middle School hi kum 1995-a khawtlangin a din a ni a. Tunah hian zirlai 207 an awm mek.
Zokhawthar border trade tuaihnum nan nuai 1500
