Lunglei district-a Sairep khua chuan Thawhlehni khan ‘Zopui Day’ an hmang a, Lunglei bawrhsap Ramdinliani’n a hmanpui. Bawrhsap chuan Sairep-in phai thingpuife lalut loa thingpuifea an intohdelh bakah Mizoram hmun danga an thawnchhuak chu lawmawm a tih thu a sawi a. Thalai ruihtheih thila buai an awm lo chu fakawm a tih thu a sawi. Tui hna awmna a awm an nih angin, tuihna humhalh leh tihpun kawngah mawhphurhna sang tak an nei tih hria a, ramngaw ti chereu loa ngaw siam bel zel turin a chah bawk. Zopui Kutah hian hnam lam leh infiamna chi hrang hrang nen hun hman a ni a, tlaiah khawtlang huap ruai theh a ni.
Zopui Day
