Daily Newspaper

Zoram Thar hmingin UN-ah thu sawi

8

Zoram Thar hruaitu pahnih chuan United Nations hnuaia thil tihkhawmah Zofate tana an pawl hmalakna kal zelah thu an sawi.

Zoram Thar thuchhuah siam danin, an pawl hruaitu Rev.Dr. Zaichhawna Hlawndo chuan UN Sustainable Development Goals (SDG’s) 2030 point 17 tihhlawhtlinna tura hmalaknaa UN Zoom meeting ah a tel a. UN partner-te hmalakna internet kaltlanga siamah registration tiin an hmalakna an tarlang tih an sawi.

Thawhlehni zan khan UN General Assembly side event ‘Spirituality & Sustainable Development’ ah Rev Dr. Zaichhawna Hlawndo leh Lalruatfeli Hlawndo te thusawina hun pek an ni, tiin, ‘Zaichhawna Hlawndo chuan UN-in Pathian mite hmanga Thlarau Thianghlima kaihhruai kan mamawh zia thu a sawi a; sakhuana ringawt chuan khawvel a siamtha zo loa, Pathian Thlarau Thianghlim-in mihring thinlungah lalna a chan a ngai, tih a sawi a ni,’ a ti. Lalruatfeli Hlawndo pawhin Zofate chanchin sawiin, UN thiltum tihlawhtling tura Zoram Thar-in hma a lak dan a sawi tih an thuchhuah hian a tarlang.

‘Heng zingah hian Zofate hnam impumkhat leh biak inpui sak leh ‘tawngtai khawl’ din chhoh mek chungchang a sawi tel a. Panel list dangte hi hnam dang, ram hrang hrang leh sakhaw hruaitu mithiamte an ni,’ a ti.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy