ZORO-in raltlante silpaulin pe
Burma ram buai zel avang leh sawrkar sipai leh mipui sipai inkap nasa zual zelah Mizoramah Zohnahthlak raltlan an pun zel avangin an chenna tur sakna atan Zo Reunification Organisation (ZORO) chuan silpaulin thahnem tak an pe.
ZORO Gen. Hqrs. thuchhuak chuan, Burma-a awm Zohnahthlak zingah sahimna zawngin Mizoram hmun thenkhatah raltlan an pun belh nasa tih a sawi a. Raltlante hian chenna tur an nei loa, an chenna tur in sak a ngai a, in sak na’n hian sawrkarah silpaulin an dil a, sawrkarin a pek theih loh avangin ZORO hnenah an rawn thlen a, ZORO chuan an in sakna daih silpouline a pe tih a sawi.
Silpaulin a pek hi Floria Glamour chuan a chanve a tumsak a, a chanve chu ZORO Gen. Hqrs sum atanga lei a ni tih a sawi a. April 17 khan raltlan in sakna tur silpaulin hi Tuipuiral Group YMA hruaitute hnenah Farkawnah hlan a ni tih a sawi a ni.
ZORO-in raltlante silpaulin pe
![](https://theaizawlpost.org/wp-content/uploads/tap_logo-min-large.jpg)