Daily Newspaper

ZPM hruaitu tur puang dawn

41

Thawhlehni hian ZPM chuan an hruaitu thar turte hming puan an tum a, hruaitu thar tur hi an ruat fel tawh tih thu dawn a ni.

ZPM hi political party-a an inleh hnuah tuna hruaitu ding laite hian an hruai nghal a, August ni 10 khan an hun (term) a tawp a ni. Hrileng do lai a nih avangin inthlang tura kalkhawm te a theih loh a, hruaitu thar tur chu Val Upa Council (VUC) lamin lo ruat mai se an ti a, VUC hian an ruat fel ta a ni.

Thu dawn danin, VUC hian general headquarters general secretary te, PAC member te, consultant te leh Southern Headquarters Lunglei hruaitute an kawm a, a mal mala kova an kawm kim hnuah hruaitu thar tur hi an ruat a ni.

Thawhlehni-a hruaitu thar turte hming puannaah pawh hian a mal mala an kawmte zawng hi tel tura beisei an ni.

ZPM hian president, vice president pathum leh treasurer tur hming an puang dawn a, vice president hi pathum an nei; a tharah chuan vice president hi pathum aiin an tam dawn nia hriat a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy