ZPM elected office bearers thuchhuak chuan November 7-a MLA inthlanpui neih zawh tak an thlirletnaah bial hrang hrang report atanga a landanin sawrkarna siam pha ngei turah an inngai tih a sawi.
Boruak tha tak hnuaia inthlan a ni chu ZPM chuan lawmawm an ti a. Inthlan buatsaihtute leh buaipuitute, venhimna lam buaipuitute, inthlan thianghlim, dik leh felfai a awm theihna tur leh sawrkar inrelbawlna tha a awm theihnana Mizoram People Forum hmalakna, inthlan muanawm leh boruak tha tak min petu Pathian leh thehnemngai taka vote thlaktu Zoram mipui chungah lawmthu an sawi tih a sawi a ni.
‘Zoram hmun hrang hranga ZPM hruaitute thawhrimnaah lawmthu kan sawi a. Kalphung thar, mipui sawrkar a pian ngei theihna atana thahnemngai taka ZPM candidate vote puitu zawng zawng chungah lawmthu kan sawi a ni,’ ZPM OB thuchhuak chuan a ti.
ZPM-in sawrkarna siam phaah inngai
