ZPM vote tumte chuan he party an vote hian eirukna an do a, dikna leh rinawmna an vote dawn tih inhre turin a chah tih Vanneihtluanga chuan a sawi.
Kum 2018 MLA inthlana ZPM star campaigner Vanneihtluanga hian Thawh\anni khan ZPM party inkhawmah thu a sawi a. Mizorama political party zingah ZPM chu beiseina sang ber a ni ve tawp mai a, ZPM thli hi khawi a\anga lokal nge an hre bik loa, an thawhrimna leh thawh nasat vanga heng hi thleng ni loin, Pathian a che, tiin a sawi.
ZPM din a\anga thil pakhat an duh loh chu, mahni party mi ni lo sawisel ngar ngar, mahni party voh vaka midang party sawichhe thiam em em te an duh lo tih a sawi. “Kalphung thara lian em em, vawiin thlenga kan sawi uar em em chu, midang \hat lohna sawi ngawr ngawrte, mahni party hleihluak taka fak chiam chiamte, kan fel lohna an sawi apianga chhan chhan maite hi ZPM hian kan ti ngai lo. Kawng hrang hrangin min chirhtheh mah se kan chhang vek dawn lo. He ram tlu tur hi kawihsapirin kan dawm ngar ngar a, Zoram \ha zawk siam turin ke kan pen mai a ni,” Vanneihtluanga hian a ti.An party atanga MLA din tum zingah leh an hotute zingah eiruk tum an awm a nih chuan ZPM party bawmah an leng lo tih sawiin, “Chutiang rilru pu kan lo awm palh a nih chuan kei pawh hian na takin ka bei chhunzawm dawn che u. ZPM vote turte ka hrilh duh chu, ZPM in vote hian eirukna in do a ni, dikna leh rinawmna in vote dawn a ni. Chutiang tur chuan Pathianin a buatsaih mek a ni,” a ti.
Party lokal tawh zawng zawngte a pawnga puiin an sawisel loa, an kawng zawh thin tha lo kha an zawh ve a nih chuan Pathianin a ti mualpho dawn tih sawiin, “Thli neitu hian dikna leh rinawmna thli a tlehtir a, chu thli chu mipuiin min hmehbel mai chauh a ni. Dikna leh rinawmna bosal zawnga kan che a nih vaih chuan thli neitu hian min chhem khum daih ang tih hi ringhlel loang u. Mipui hian ZPM sawrkar tir hi an tum ber a ni lo, Zoram tha zawk siam turin ZPM hi min beisei mai chauh a ni zawk,” a ti. An sawrkar avanga rethei telh telh ngam zawk ni tura inbuatsaih turin a chah bawk.
ZPM kan vote hian eirukna kan do – Vanneihtluanga
