ZPM office hawng, inremna nena bultan turin sawm
January ni 12 khan ZPM-in 2026 atan an party office an hawng a, he huna thusawitu Lalduhoma, chief minister chuan inremna nena kum bul tan turin Mizo mipuite a sawm.
“Kan hriat angin 2023 kum tawpah ni 7 chhungin theih tawpin tan kan la nghal a, chuta tang chuan vawiin thlengin kan over draft leh tawh lo a ni,” tiin Mizoram sum chungchang a sawi a, Committed liability an tih hi leibat hlui kan tih kum hnih chhunga kan tihfel hi cheng nuai 6311 a ni a, la rulh hmabak hi nuai 7646 kan nei, a ti.
“Kan tih ni miah lo min hnutchhiah ang hi keini chuan neih ve kan tum lo. Kan Health Care Scheme system aia tha hi hmanni deuh a Punjab state-in an rawn duan thar bak kha chu India ramah a tha ber kan ni,” tiin hemi chungchang hi a sawi.
“Kan sorkar atanga ni 20 lekah CBI-ah General consent kan pe nghal bawk a, buhfai buk a dik nghal em em ringawt pawh hi a thlarau lam thil a, retailer-in sem bang an hralh thin kan ti tawp a, retailer lawmmante pawh kan ti pung bawk,” a ti.
Sorkar department hrang hrang hmalakna a sawi a, “Kawng siamna khawl pawimawh kawng siamna sawisak kan tuar zeuh zeuh a, kawng tha neih duh lo leh ZPM sorkar hmingthatna daltute hi manchhuakin na takin kan hrem zel dawn a ni,” a ti.
“Kan tum ber ram rorelnaah Pathian ram thlentir a ni a, kan sorkar hnu hian chutiang ang thlenna tur chu Pathianin min pe a, USA atangin Go Harvest te lo kalin thalai rualte an lo kal a, an vei ber ram rorelna siamthat, Pathian ram thlentir kha an lo thupui ber a,chutiangin Youth Festival, a sing tel Pathian faka Lammualah an inkokhawm thei te hi a lawmawm hle a ni,” a ti bawk.
ZPM office hawng, inremna nena bul\an turin sawm
