Daily Newspaper

ZPM party puiin Duhoma la chhan lo – MNYF

12

MLA atanga Lalduhoma ban a nih chungchangah ZPM Legislature Party leh district leh frontal hrang hrangten a thlavang an hauh laiin party pui ber chu an la ngawi niin MNF Thalai chuan an sawi a. An party chhunga amah phumbo tumtu an awm vang nia a rin theih thu an sawi.

MNF Thalai Hqrs. thuchhuak chuan, independent MLA Pu Lalduhoma chu MLA a nihna atanga bantir a nih ni ah Pu Lalduhoma hian thuthar thehdarhtute a hmachhawn nghal thu te, a hnuah Zo Legislature Party chuan Pu Lalduhoma thlavang an hauhna thu an chhuah thu te; district hqrs. hrang hrang ZPM bakah an frontal-ten a thlavang an hauh tawh hnuah pawh tun thlengin ZPM party an la ngawi reng niin a sawi a. ‘An party chhungah inhuphurh tawnna a awmzia tilangtuah kan ngai,’ a ti.

Amah Pu Lalduhoma ngeiin MLA-te petition a chhannaah eng party-ah mah a inziaklut lo a tih avang khan ZPM hian an party member atan an pawm zui ta lo nge, an pawm lo ve hrim hrim zawk, tia zawtin, ‘ZPM a zawm avanga mithar lawmlut atana an hman, anmahni avanga MLA atanga bantir ni si, ZPM party berin a thlavang hauhna thu vawikhatmah an la chhakchhuak lo hi thil mak tak a ni a. ZPM party hruaitu lawk zingah Pu Duhoma phumbo tumtu an awm niin a ngaih theih a. MLA atanga bantir hi ZPM party hruaitu zingah hnara hlit phawi ang huaia ngai an awm niin a rin theih bawk,’ a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy