ZPM chu beih an ngai hran loin pawl hrang hrang kalkhawm an nih avangin an phawkhai a rual lo thin tih MNF MLA Ramthanmawia chuan a sawi.
Zirtawpnia MNF office Mizo Hnam Run inkhawmah MNF Political Affairs Committee member thar ni bawk Ramthanmawia chuan tuna MNF MLA 10 chu a thiam ber ber, a fel leh fing ber an ni loa, Pathian leh kan ram tan mahni inchhit ral raih erawh an inhuam a, eptu dinhmuna an mawhphurhna theihtawp chhuaha tihhlawntlin an tum dawn a. Sawrkar khalh ngilna kawngah mipuiin thurawn pe zel turin a ngen tih a sawi.
MNF chuan hruaitu thar nen bul an tan tha dawn a. Party-in an tihsual tam tak awm leh an tihfuh lohte siamtha in, theihtawpin hma an la dawn a. Pathian hruaina zarah an sawrkar leh ngei dawn tih a sawi.
Sawrkar kal tawh – MNF leh Congress chu thla 4/5 ah sawisel an hlawh ngai loa, ZPM sawrkarah chuan an hotupa in thudik hlel deuh a sawi fo avangin mipuiin thudik an hriat theih nan MNF MLA ten mipui hriatah thudik an puanzar a ngai leh thin tih a sawi a ni.
ZPM phawkhai a rual thei lo – Ramthanmawia, MLA
