K. Hmingthankaia
ZPM kan thlan tlin chhan – A kawng bo zawng, vei lam zawng hlir pan lova, kawng dik, ding lam zawng hlir pana kal tuma an insawi avang leh, mipuiin anmahni kan enin; chutiang ti duh tur nia kan hriat avang leh kan beisei em avanga thlang tling kan ni.
Inthlan hma aanga an thil tih tum dan an sawi ringawt pawh hi, a hma amite tih duh loh tur leh, tih ngai loh leh tih ngam loh tur an sawi ringawt pawh hi ‘Kalphung thar’ chu a ni an der tawh. “ Ka eiru ve lovang” tia Pathian leh mipui hmaa intiam ngamna ringawt pawh hi mipui tana thlamuanna, tuma la tih ngai loh, kalphung thar chu a ni chiang e. Khawvelah hian Setana hi a che na tawh si a, engtikah emaw leh, khawimaw laiah chuan, thlemna leh bumna lo dawl zo lo deuh lo awm ta pawh nise, an intiamna, “Ka eiru ve lovang” tih hi chuan na takin thui tak a thunun dawn tho tho tih chu hriatsa a ni.
Advertisement- Chanchinbu hi nitin kan lo chhiar ve hin a, Sawrkar hna lak tur, a bik takin hna hniam lam phei chu hmuh tur a awm mang lohna hi rei tak, kum 30 chuang zet a ni tawh ang. Chutih laiin tu tute emaw chuan sawrkar hna hi an lo thawk leh reng mai hin si a. Ngaih chu a ha zan hin chiah lo a nih kha. Tunah meuh chuan Chanchinbu-ah ni tin deuhthaw, Department hrang hrangah hna chi hrang hrang, a tam zawk mah chu Group C leh D te a ni hial, thiamna nei sang vak lo thawh theih, hna chi dang dang thlengin an chhuah ta chuai chuai mai a nih hi. Hna nghet nghal chiah lo leh, sawrkar department puitling ni chiah lo thlengin an mamawh zawng mihring an zawng deuh ta reng mai. College kan kal ve laia hna kan zawn laite kha min hriatchhuahtir rum rum mai. Sawrkar hmasate khan sawrkar hna thawk tur chu an lo la ve reng tho awm si a, mahse, hna zawrhna, advertisement chu chanchinbu-ah kan hmu khat hle a nih kha. Hei ringawt pawh hi tun sawrkar chu a hma amite ang ni lo, kalphungthar chu a ni hrim hrim.
Hetih karah hian rawtna tlemte ka’n nei teh ang. Sawrkar hnathawkten an thawh chhan mihring, population tlemzia leh, an thawhna ram area zimzia hi hriain, tun kalphung thar sawrkar hi chuan hna sang, group A chin hi chu la tam tawh hrih lo tial tial sela, sawrkar hna hrim hrim hi ti tlem tial tial sela, kan buai phah vakin a rinawm loh. Nimahsela, a taka tha thawh ngaihna, mihring mamawh tamna lam hi chu ngaipawimawh zel thung sela. Combined Competitive Exam-te hi kum tin ti tawh lovin, kum thum emaw, kum li danah emaw ti tawh zawk sela, sawrkar hna hian a buai phah vakin kei chuan ka ring lem lo. A lo sign-tu tur ringawt tam em em hi hmasawnna daltu a ni thei zawk tlat. Hnathawktu kan indaih lo tih fo hi, Officer lam ni loin, hna hniam lamah a ni deuh zel.
Kan ram area zimte leh mihring tlemte vil tura Officer tamzia hi a zahthlak deuh lo maw. Police lam leh Technical lam thleng pawh hian Officer an va tam em.. C.E. leh S.E. ringawt tam zia te hi. Hna (post) kan phuahchawp zel chung pawh hian hmasawn tak tak lo hian, ‘kan indaih lo’ kan la ti reng tho mai si hi enge a chhan ni ang aw. Kan hnaa kan inpek tawk loh vang a ni mai lo maw.
Tin, tun sawrkar hi kalphung thar a ni ta sa sa, thil pakhat kan rawt leh lawk ang e. Eng hna pawh, a sang leh hniam laknaah hian, a theih hram chuan hna diltu chhungkaw dinhmun dik tak hi hriat lawk ruk ni zel sela. An chhungkaw dinhmun, family background chuan mark sang tak pu ve zel sela ka ti hle mai. Diltu zingah a thiam leh tling rau rauah, chhungkaw dinhmun changkang leh ha sa ni lo, chhungkaw dinhmun harsa zawk leh dawmkan ngai zawkte lak ni zel sela, mi baihvai leh retheihna avanga beidawng tak leh hreawm ti taka awm mekte an lo hlim a, an lo thawven vena tura sawrkar hnaa lak zel an nih chuan kan ram hi ava nuam dawn em. Kan vaiin kan hlim tlang ang a, Pathian pawh kan chungah a lawm ngei ang.
Tuna in awm dan leh in kal dan chin zel pawh hi, kan za vaia that tlanna tur nia in hriat dan ang zela kal niin a hriat a. Engkim hi a tihfuh nghal vek theih bik loh tih erawh hre tlang heuh ila. Dodaltu, itsiktu leh elreltu, thiktu leh tihchhiat tum ngar ngartute chu nasa takin au vel chiam chiam hin mah sela, mipui hian kan thliar hrang thiam ve tawh e. Midangte tana thil ha chauh tih tumna leh tih duhna rilru thianghlim in put tlat chhung chuan Pathian in lamah a ang zel anga, zawite te pawhin, hmanhmawh vut vut lovin, in phak tawk leh theih tawk ang zela kan za vaia hat tlanna tur lam hawi zela kum 20 te min hruai phawt chuan, kan ram chu a ha zawngin a dangl