ZPM sorkarah thil tam tak siamthat mek a ni – B Lalchhanzova

ZPM sawrkar hnuaiah mipui tan thil tam tak siamthat mek a ni a, thil thar chhawpchhuah zel a ni tih minister B Lalchhanzova chuan a sawi.
ZPM Gen. Hqrs Campaign Comittee buatsaiha Thawhtannia Sihphir leh Kawnpui inkar khuaa Lok Sabha inthlan campaign-ah ZPM star campaigner ni bawk B Lalchhanzova chuan, chief minister Pu Lalduhoma kaihhruai sawrkarah thil tam tak siamthat mek a ni a; sawrkar hnathawk hlawh lak hun hma ta, health care bill tang pek vek, eng chhit man ba rulh zawh, tar pension tih san bakah department hrang hrangah thil dik lo siamthat mek zel niin, thil thar pawh chhawpchhuah zel a ni dawn tih a sawi.
“Tunah hian sum chuangbang awm ang ang hi pawtkhawm ila, kan worker-te tan, tiin buaipui chuk chuk ila, a tih theih reng. Mah se, kan worker-te kha lo ngawi rih rawh u. Heng sum bang hi ZPM sawrkar, mipui sawrkar chuan healthcare bill ba, electric bill ba, tar pension tihsan, Police TA/DA atante a release ta zawk a ni,” a ti.
ZPM MP candidate Pu Richard Vanlalhmangaiha chu mahni infakmawi chi ni lo, mah se, mi rintlak a ni tih chu a chenna veng mipuiin an hria a, ZPM party hruaitute pawhin an din tir tih a sawi bawk.