ZPM Thalaiin RS MP thlawp
Mizoram Rajya Sabha MP K Vanlalvena’n Manipur Zofaten harsatna an tawh chungchanga Parliament-a sawi chhuak tura ngenna putluh a tum chu an thlawp tih ZPM Thalai chuan an sawi.
ZPM Thalai Hqrs. thuchhuak chuan, BJP leh a sangawi zawnpui party-te inkhawmpui, Bengaluru-a tunhnaia neihah MNF party aiawhin Lok Sabha MP Pu C Lalrosanga a tel a, he hunah hian Manipur-a kan unaute harsatna tawh chungchanga an thlavang hauhna leh Manipur sawrkar demna sawirik a ni lo, tiin, mak a tih thu a sawi a. ‘Kan unaute thlavang hauhna kawngah MNF party hi thapui thawhin a la che tak tak loah kan ngai a ni,’ a ti.
MNF kaihhruai Mizoram sawrkarin Manipur-a Zohnahthlakte thlavang pawh tih tak taka a hauh ngam loh laiin, Rajya Sabha MP chuan theihtawp chhuaha adjournment motion putluh a tum chu thik mai loa thlawp tlat zawk turin MNF party a ngen tih ZPM Thalai hian an sawi a ni.
ZPM Thalaiin RS MP thlawp
