ZPM thalaite FIR Lok Ayukta-in a hnawl: MNYF
MNF |halaite chuan thuchhuah siamin, nikum 2023-a ZPM Gen Hqrs Thalai Vice President Zoramchhana Sailo hminga Reiek khuaa Tourism projects kalpui dana thil dik lo leh hnathawh kim lo awm anga Lok Ayukta-a FIR an thehluh chu Lok Ayukta thupek angin ACB-in an chhui chiang a. An thil hmuh dan kimchang pawh Lok Ayukta-ah an thehlut. ACB lam hian dik lo an hmu lo niin an report-ah leh Lok Ayukta Hearing naah tarlan a ni, tiin thuchhuahah chuan tarlan a ni.
Tunhnaia Lok Ayukta-in Hearing a kohah tel ngei tura hriattir a ni chungin hektu Zoramchhana Sailo ZPM Thalai hruaitu hi a inlan ve lova, mahse Lok Ayukta thutlukna siama an ziak danin a hekna chu a dik lo tih a pawm niin tarlan a ni. Lok Ayukta-in dik taka rorela he inhekna hi thu tling lo a ni tih leh he project kalpui danah hian thil dik lo a awm lo a ni tih tichianga a case an titawp(closed) ta hi a lawmawm kan ti a,dikna a dingchang leh ta a ni, an ti bawk.
He inchhuina atang hian MNF sorkar hun laia Mizoram Tourism Deptt lo thawh thatzia a lang chhuak a, khatih laia Tourism Minister Robert Romawia Royte MLA & MNYF-a kan President ni laite, Tourism Deptt thawktute leh Contractor te an fakawm kan ti a. He project hi Reiek khuain rampum huap chawimawina sang Best Tourism Village Award 2023 a dawnna atana thawhhlawk tak a ni tih kan hriatin ropui kan ti hle a ni, an ti bawk.
ZPM thalaite FIR Lok Ayukta-in a hnawl: MNYF
