Daily Newspaper

Zualbawihi official gospel music video hmasa ber tur ‘Halleluiah Amen’

46

Lengzem leh lenglawng sa a kan hriatlar, tunlai Mizo hmeichhe zaithiam zinga hriat hlawh ber pawl Zualbawihi chuan gospel music video ‘Halleluiah Amen’ tih hla chu October ni 6 hian a tichhuak dawn a, a official gospel music video hmasa tur a ni.

Zualbawihi chuan a music video thar hi a pa Lalrozama Ralte pianchampha puala a tihchhuah tur niin a sawi a, a hla pawh hi a pa phuah hi a ni nghe nghe a, a thluk erawh Lalrinawma siam a ni ve thung. He music video hi Zualbawihi hian a YouTube channel-ah pawh a dah lut nghal dawn a ni.

Zualbawihi hian gospel hla a sak thenkhat video te pawh a YouTube channel-ah hian a dah tho a, mahse, tun hi gospel hlaah chuan pangngai deuh taka music video a siam hmasak ber a ni.

Zualbawihi hian YouTube lamah pawh tan a la thar ve leh a, Mapuii Fanai leh John Mawitea te hla pahnih buaipui mek a nei a, hei bakah hian Filipino hla pakhat a buaipui mek bawk a, heng hla thar te pawh hi a peih fel veleh YouTube-ah a dah lut ve leh nghal dawn a ni.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy