1975-a inthen tawh te an innei leh
Fay Gable leh Robert Wenrich te chu kum 50 dawn an inthen hnuah an innei thar leh ta. Fay leh Robert te hi November 1951-ah an innei a, fa pali neiin, 1975-ah an inthen a, an inthen hnuah kawppui dang an nei leh ve ve a, an kawppui te an thih hnuah December ni 8, 2024 khan an innei leh ta a ni.
Robert hi Fay-i u thianpa a ni a, chu chu an inhriatna pawh niin, inhmel duhin an innei ta a, mahse, 1975-ah an inthen a, an inthenna chhan hi an sawi lo. An inthen hnuah nupui pasal dang an nei leh ve ve a, an kawppui te hian an thihsan leh ve ve hnuah inneih zai an rel leh ta a ni. An inthen hnu leh kawppui dang an neih ve ve tawh hnuah pawh an inbe chhe chuang lo a, inlaichinna tha tak an nei zui zel tho niin an sawi. An fanu naupang ber Carol Smith chuan, “Tleirawl inngaizawng ang mai an ni thar leh a. An inzui reng ringawt mai a ni,” a ti.
Robert Wenrich hi kum 94 a ni tawh a, Fay Gable pawhin kum 89 a tling tawh a, tu 14 leh tuchhuan 14 nei tawhin, Denver, Pennsylvania-ah an innei thar leh ta a, Wenrich chuan, “Tun tum chu dam chhung kan daih tawh ngei ang,” a ti.
1975-a inthen tawh te an innei leh
