Colombian star Karon G chu kumin Billboard Music Award-a perform tur an puan zingah a tel a, ani hian BBMA-ah hian category pangaah finalist nihna nei niin, chung zingah chuan top Latin album leh top Latin artist te pawh a tel. Billboard Music Awards hi November ni 19-a sem tur a ni.
Karol G album, kumin February-a a tlangzarh ‘ Mañana Será Bonito’ chuan chart record siamin, Billboard 200 chart-a hmeichhe zaithiam zinga Spanish hla hlang awmna No.1 kaipui thei hmasa ber a ni a, he album-ah hian Shakira nena an thawh dunna, Hot 100 chart-a No.7 kai thei ‘TQG’ pawh kha a awm a ni. Kumin hian Karol G hian a vawi khat nan US stadium tour a nei a, market lian Miami, Los Angeles leh Chicago te pawh a hrut a ni.
Tunkar tir lam khan top Latin artist finalist-a lang ve tho Peso Pluma pawh 2023 BBMA-ah a perform tur thu an lo puang tawh a, he Mexican star hian “Rubicón” hla a perform dawn a, boxing legend Mike Tyson pawhin special appearance a nei dawn a ni. Anni bakah hian NewJeans leh Bebe Rexha & David Guetta te pawh perform tura puan tawh zingah an tel.
2023 BBMA-ah Karol G perform dawn
