2024 BBMA-ah Tyla perform dawn
2024 Billboard Music Awards (BBMA) a perform tur an puan belh zel a, SEVENTEEN leh Teddy Swims te perform tur an puan hnuah Tyla a perform dawn tih an puang ve leh ta. He South African singer hian BBMA-ah hian finalist nihna pariat a nei a, top Afrobeats song-ah finalist panga zinga pathum chu a hla vek a ni bawk. 2024 BBMA hi December ni 12-ah an sem dawn a, actress leh comedian Michelle Buteau-i’n a host dawn a ni.
Tyla hi rimawi khawvelin a hming a hriat larna kum khat em pawh a la tling lo nain, a huhang a lian sawt hle a, BBMA-ah hian top R&B artist, top R&B female artist, top Afrobeats artist, top R&B album (Tyla), top R&B song leh top Afrobeats song-ah te finalist a ni.
BBMA hi kum khat chhunga Billboard chart hrang hranga an chet that dan atanga tehin finalist te hi thlan chhuah an ni a, October ni 28, 2023 leh October ni 19, 2024 inkar a huam a ni.
2024 BBMA-ah Tyla perform dawn
