Barbra Streidsand chu 2024 SAG Lifetime Achievement Award dawng tura puan a ni a, he award hi nakkum February ni 24 a sem tur 30th annual Screen Actors Guild Awards-ah hlan a ni dawn a, 2024 SAG hi Netflix-in an tichhuak dawn a ni.
He award hi lemchan khawvela mi ngaihsanawm leh che tha te hnena hlan thin a ni a, Streisand hian chawimawina chi hrang hrang a lo dawng tawh a, chung zingah chuan Oscar Awards pahnih leh Grammy Awards pariat, Emmys panga leh honorary Tony te a tel a, SAG Lifetime Achievement Award dawng thei 59-na tur a ni.
Streisand sawi takah chuan a chanchin ziahna lehkha tichhuah hlim a ni, he lehkhabu ‘My Name is Barbra’ tih hi a hralh pawh a kal hle a New York Times best-seller a ni nghal der mai. He memoir-ah hian Barbra hian a chanchina miten an hriat thelh chi hrang hrang te, a career a mellung pawimawh hrang hrang te tarlan a ni a, chung zingah chuan film a direct hmasak ber Oscar nomination panga dawng thei ‘Yentl’ leh a film direct dang ‘The Prince of Tides’ leh ‘The Mirror Has Two Faces’ te pawh a tel.
2024 SAG Lifetime Achievement Award dawng tur Barbra Streisand
