2025 Mini Cooper S JCW Pack India-ah tlangzarh
Mini chuan an Mini Cooper S John Cooper Works (JCW) Pack chu India-ah an tlangzarh a, showroom-ah Rs 55,90,000 man niin, standard Cooper S aiin Rs 11,00,000 velin a to zawk. Cooper S JCW Pack hi remkhawmsa vekin India-ah lak luh a ni.
A design-ah chuan JCW Pack hi a pawnlam cheina an tidanglam nual a, a grille leh bumper a danglam deuh a, 17-inch black alloy wheels a nei bawk. A side skirts leh a hnunglam spoiler pawh an tidanglam deuh a, a LED DLRs chu Classic, Favoured leh John Cooper Works-ah te thlak kual theih a ni bawk.
A chhunglamah JCW Sport Seats. JCW steering wheel leh paddle shifter te neiin, a centre console chungah 240 mm OLED touchscreen bial lian tha tak a nei a, head-up display neiin, Harman Kardon sound system a nei bakah powered front seat a ni bawk.
A mechanical-ah tihdanglam a awm lo va, 2.0-litre turbo-petrol engine neiin, 201 bhp leh 300 Nm torque pechhuak thei a ni a, 7-speed dual-clutch automatic hearbox neiin, second 6.6 chhungin 0-100 kmph a chakin a tlan hman.
2025 Mini Cooper S JCW Pack India-ah tlangzarh
