2026 BRIT Awards-ah Olivia Dean a langsar
British rimawi khawvela chawimawina sang BRIT Awards chu kumin atan niminpiah khan an sem leh ta a, Olivia Dean a langsar ber a, award pali a dawng a, Sam Fender-a’n award pahnih dawngin, Lola Young, ROSALIA, Rose & Bruno Mars te pawh award dawng zingah an tel. Award hi Co-op Live, Manchester, England-ah an sem a, London pawn lama he award hi an sem vawi khatna a ni a, award semnaah hian Olivia Dean, Harry Styles, Wolf Alice, Alex Warren, HUNTR/X te pawh an perform a, comedian Jack Whitehall-a’n award semna hi a host a, tum ruk a host-na a ni.
Olivia Dean hi BRIT Awards nomination-ah a lan vawi khatna niin, a chetha nghal hle a, a album pahnihna The Art of Loving chuan album of the year a dawng a, award ngaihhlut artist of the year a dawng bawk. Tihian tun kum nga chhung chu album of the year dawngtuin artist of the year an dawng tel a, Olivia Dean hian Adele (2022), Harry Styles (2023), RAYE (2024) leh Carli xcx (2025) te hnung a rawn zui a ni.
Sam Fender-a’n alternative/rock act a dawng a, tun kum nga chhungin he award hi tum nga a dawnna a ni ta a, nikum khan dawngin, 2022 khan a dawng tawh bawk. Lola Young chuan best breakthrough artist dawngin, BRIT Award a dawn vawi khatna a ni a, Wolf Alice chuan a tum hnih nan group of the year an dawng leh ta bawk.
Rosalia chu Spanish hla sa thin zinga international artist of the year category dawng hmasa ber niin, Rose leh Bruno Mars ‘APT.’ chuan international song a dawng a, Rose hi K-pop artist zinga BRIT Award dawng hmasa ber a ni ta a ni.
2026 BRIT Awards winners:
Mastercard album of the year : Olivia Dean – The Art of Loving
Artist of the year : Olivia Dean
Group of the year : Wolf Alice
Breakthrough artist : Lola Young
Song of the year : “Rein Me In,” Sam Fender (with Olivia Dean)
BRITs Critics’ Choice : Jacob Alon
International artist of the year : ROSALÍA
International group of the year : Geese
International song of the year : “APT.,” ROSÉ & Bruno Mars
Alternative/rock act : Sam Fender
Hip-hop/grime/rap act : Dave
Dance act : Fred again..
Pop act : Olivia Dean
R&B act : SAULT, Forever Living Originals
Songwriter of the year : Noel Gallagher
Producer of the year : PinkPantheress
Outstanding contribution to music : Mark Ronson
Lifetime achievement award : Ozzy Osbourne
2026 BRIT Awards-ah Olivia Dean a langsar
