2027 MusiCares Persons of the Year dawng tur- U2
Bono, The Edge, Adam Clayton leh Larry Mullen Jr. te chuan an group U2 angin 2027 MusiCares Persons of the Year chawmawina an dawng dawn a, an group frontman Bono-a’n a mimal anga he chawimawina a dawn atanga kum 24 hnuah a group angin an dawng dawn ta a ni. 36th annual Persons of the Year hlanna hi February ni 5, 2027 kian Peacoco Theater, Los Angeles-a an nei dawn a ni. MusiCares Persons of the Year chawimawina hi Grammy sem hma zan hnih a la awm tihah an sem thin.
U2 hi band anga he chawimawina dawng thei palina an ni dawn a, an hma hian Fleetwood Mac (2018), Aerosmith (2020) leh Grateful Dead (2025) ten an lo dawng tawh bawk.
U2 frontman Bono hian 2003 khan a mimal angin MusiCares Persons of the Year hi a lo dawng tawh a, Bono hi mimal leh group anga he chawimawina dawng thei hmasa ber a ni dawn ta a ni.
Recording Academy leh MusiCares-a CEO Harvey Mason jr. chuan, “Kumin MusiCares Persons of the Year chawimawina U2 hnena kan hlan tur hi a phurawm kan ti a. A huhang hi stage-ah a tawp mai lo va, chumi piahlam daih chu a ni. Chhuan tam takte rimawi min lo hlui tawh a ni staliah mai lo va, mahni mihringpui te chunga thatna leh an inpekna hi midang tan pawha entawn tlak niin, an platform hi thil tha tih nan an hmang a ni,” a ti.
MusiCares Persons of the Year chawimawina puala hun an buatsaiha hian cocktail reception, dinner leh tribute concert a awm tin a, artist langsar tak tak te an perform thin. He chawimawina hi 1991 atanga an pek tan kha niin MusiCares program tana sumtuakna a ni nghal bawk a, music lama eizawngte tana hriselna leh wellness services, mental health, addiction recovery, disaster relief leh sum lama intanpuina lam te an kalpui thin a ni.
U2 hian Grammy Awards 22 an dawng tawh a, group/duo anga Grammy dawng hnem ber an ni a, Grammy award-a award ngaihhlut zual- album of the year, record of the year leh song of the year te tum hnih theuh an dawng tawh a, Grammy history-ah anni bak hetiang tithei dang an la awm lo.
2027 MusiCares Persons of the Year dawng tur- U2
