2027 women’s World Cup thlen dilna pali a lut
Fifa chuan kum 2027 Women’s World Cup thlen dilna (bid) pali a dawng tling tawh tih Thawhtanni zan khan puangin, nakkum May thlaa Fifa inkhawmpui lian (Congress)-ah hian tournament dawltu tur tihchian a nih tur thu an tarlang tel.
Europe ram pathum Germany, Belgium leh Netherlands chuan tour-nament inthlentawm turin dilna an thehlut a; inthlen-tawm dil dang zingah United States leh Mexico hmuh tur an awm.
Brazil leh South Afri-ca chuan a hrang ve vein dilna an thehlut fel tawh bawk a, Fifa chuan lehkha thehluttute hnena Bidding Agreement an thawnchhuah vek tur thu leh May ni 19 thleng inhnuhdawh theihna hun an siamsak thu an sawi.
FIFA secretary gene-ral Fatma Samoura chuan tournament thlen dilna an dawnte chuan Fifa a tiphur tih sawi chungin confederation pali ngawt atanga foot-ball tuipui kum hlun ram (member association)-te’n dilna an thlen chu thil chhinchhiahtlak a nih thu a tarlan gtel.
Tarlan tawh angin, May 17, 2024 khian FIFA Congress-ah public voting hmangin tourna-ment thlengtu tur hi thlan fel a ni ang.
Australia leh New Zealand chuan July ni 20 atanga khelh tan tur kumin Women’s World Cup hi an inthlentawm dawn a; US, Mexico leh Canada-te’n kum 2026 Fifa men’s World Cup an inthlentawm ve bawk dawn a ni.
2027 women’s World Cup thlen dilna pali a lut
