Vairengte to Sairang thleng four lane kawngpui laih tura ram lakna man semchhuah tawh chu cheng nuai sing 8 chuang a ni tawh.
Kolasib bawrhsap pisa chhinchhiah danin, Vairengte to Sairang four lane (NH-306 & 06) sial mekah CALA (Competent Authority for Land Acquisition) hnuaiah ram lak a ni a. Package 8 (Mualkhang) ah beneficiary 16 hnenah Rs. 24,08,75,806.23; package-2 beneficiary 36 hnenah Rs. 18,10,65,340; package-5 (Gosen Veng – Thingdawl) a beneficiary 79 hnenah Rs. 44,57,60,730.95 leh, package-6 (Bualpui- Kawnpui) ah beneficiary 85 hnenah Rs. 40,56,97,042.83 an sem chhuak tawh a, kawng sial hna a kal mek
Hetihlai hian rel kawng sialna compensation atan court thutlukna angin Rs. 9,76,35,899 sem chhuah a ni tawh bawk.
Kum 2025 atanga tun thlengin Kolasib district atanga hnamdang (Vai) lut hnenah regular ILP 2332 pek a ni a; bawrhsap pisa atang hian income, residential leh tribal certificate ang chi 21255 pek chhuah a ni.
Kolasib SP office chhinchhiah danin, kumin January atanga July chhung khan thubuai 91 an ziaklut a, case hrang hrang laka thil bo Rs. 8,16,054 man hu an hmu let.
Heroin gram 2274.97 an man a. Kolasib District Drugs Disposal Committee chuan court-in a phalsak angin kumin March 30 khan heroin gram 181.49, methamphetamine kg. 23.43 leh ganja kg. 10.155 chu an tichhia. Ruihlo kaihhnawih laka fihlim tura inzirtirna vawi 8 middle school hrang hrangah neiin, zirlai 489 an tel a ni.
Central Equipment Identity Registry (CEIR) hmangin mobile phone bo 177 hmuhchhuah niin a neitute hnenah an hlan bawk.
Excise & Narcotics Department chuan kumin January atanga July 15 thleng khan sawrkarah chhiah Rs. 11,79,850 chhunglutin, dan bawhchhia mi 1847 an man.
4- lane atana ram lakna man nuai 80000 chuang sem tawh
