A chhai che tih hriat theih dan

A chhai che tih hriat theih dan
Flirting an ti a, ‘chhai’ ti ve mai ila, hei hi tu emaw kan duh zawng ten min ngaihven theih nan leh an lakah kan rilru a no riau tih an hriat theih nana chezia leh awmdan chi hrang hranga signal kan thawnchhuahna a ni. Hetianga tu emawin min chhai a nih chuan kan lo hriatthiam ve a ngai, mi chetdan leh awmdan kan hriatthiam loh avangin kan duh ve ngei te pawh kan chān phah thei tlat. Chuvangin, mi an awmdan leh chetzia, an thil tih atangin min duh deuh tih hriat theih dan tha ni a relationship lama mithiam te sawi kan rawn tarlang e. Tun tumah hian hmeichhe tana mipa chetdan hriatthiam tur te kan rawn tarlang dawn a, hetianga mipa an awm chuan i lakah an polite satliah a ni mai lo va, a chhai che tihna a ni tih i lo hrethiam dawn nia.
1. Mipain a chhai che a nih chuan kawppui nei lo a ni tih i hriat theih ngei tura sawilanna remchang emaw, tihlanna remchang emaw a zawng ngar ngar ang. Chutiang a nih chuan, “Ka single a, in-date i duh em?” a tihnaah ngai mai rawh.
2. Mipain i taksa a khawih fuh palh fo chuan a chhai che tihna a ni. Bān han innawk thawi satliah ngawt lo deuh, engtin emaw a thusawi paha i dara han khawih deuh te, i bana han khawih deuh ang chi te kha. In thudun a nih chuan khup han innawk palh leh thin ang chi te pawh, a innawk ngun mah mah em? Hrethiam mai rawh.
3. I bul hnaiah a awm thei riau em? Eng emaw in ti a, i bul hnaiah a lo awm leh thin a, thildang in tih leh pawhin i bul hnaiah bawk a lo awm leh thin. Thil tihhona reng rengah i bul hnaiah a awm thei riau a nih chuan hnai che a tum tih hrethiam ang che.
4. Eng emaw inchibai tul hunah i kut kha a nih dan tur aiin a vuan rei riau em. Mi chi hrang hrang nen in inchibai a, ani chibai kha eng emawti takin a danglam riaua hriatna i nei em. A chibai zawng che khan a hmer deuh salh chein i hria em? Khatiang khan a awm a nih chuan a chhai deuh che a ni tih i hrethiam dawn nia.
5. A chetdanah a rawn nawk fuh che emaw, tawngka eng emaw a nei lo a nih pawhin a taksa awmdan khan i laka a rilru put hmang a tarlang thei a nia. A kephah kha en teh, nangma lam a hawi em? |hutna insawn kual pawhin a kephah khan i lam a hawi deuh zel a nih chuan a ngaihven che tihna a ni.
6. A mitko kha en uluk rawh, in pahniha in titi lai emaw, a biak lai emaw chein a mitko a ti sang deuh âk âk a nih chuan i lakah a rilru a no hle tihna a ni.
7. In mit a intawng thei riau em? Eng emaw changa a lam i hawi apiangin a lo en ve deuh ziah che a, i hmu tih a hriat veleh a mit a la sawn leh vat thin. Chutiang chuan vawi khat mai ni lo, in mit a intawng deuh fo a nih chuan a ngaihven hle che tihna a ni.
8. Social media lama a chetdan atang pawhin hriat theih dan a awm e. A thil post velah a tag ve deuh chhen che em, eng eng emawah i hming lam chhuahna remchang a zawng deuh tlat em. A fiamthu post, midang hriatthiam ve em em loh turah te a tag che em? Khatiang kha a tam riau a nih chuan hrethiam mai rawh aw.
9. Mit hi a pawimawh. I mit a intawng zeuh zeuh tih bakah khan a nuih lai ten i lam a lo hawi em? |hian dang nen in awm ho a, thil insawi khawm a nih pawhin, a thil sawi laiin i lam a lo hawi deuh zel em? Chutiang chu a nih chuan a mit khan i laka a rilru put dan a tilang a ni tih hrethiam ang che.
10. Engtin emaw a chhaih deuh thin che em. Fiamthu huatthlala si lo a han kah zeuh chang che a nei a, a changin i thil tihah a fak thiam em em bawk che a nih chuan a chhai che tihna a ni.