San Luis, Mexico-a cheng, circus performer Diana Elizabeth Batres Hermosillo chuan a sam (hair)-in pound 166.11 (kg 75.35) a rit a a khai kâng a, hmeichhe zinga sam hmanga thil khai rit thei ber record a siam.
Diana hi circus-ah kum 26 vel zet a lo thawk tawh a, a thiam thil hi mipui hmuh turin a pholang thin a, tunah chuan record siam nan a hmang ta. Le Paz Theatre-ah stage-ah inlanin, a sam chu phiarin a, rit chawi a bar hmawra an tar thin ang thil bial rit paruk chu a sam hmawrah tawn berin, dingcharin a sam chuan a khaikang ta a ni.
A hmaa hetiang record chu 2014-a Indian weightlifter Asha Rani siam a ni a, ani hian pound 122.58 (kg 55.6) a rit chu Rampur, Punjab-ah khaikangin record a siam a, hei hi Diana hian a rawn khum ta a ni.
Diana chuan he record siam tum hian thla ruk chhung a inpuahchah niin a sawi a, a luvun, nghawng leh hnungzangin chutiang thil rit chawi chu a chhiatpui loh nan a loin train nasa hle a, second 14 chhung a khaikang a, record a siam ta a ni.
A sam hmanga rit chawiin record siam
