January thla hi Mizoram vawh thla a ni a, kuminah pawh a vawt, mipui pawhin vawt an ti a, vawt tih tur pawh a lo ni e.
Science & technology deptt enkawl State Meteorological Centre-in January thla vawh dan kha an chawkrual a, thla tluanin 18.9°C ang a ni. Mizoramah chuan 20°C hnuai lam hi a vawt tiin a sawi theih ang.
State Meteorological Centre hian 1990 atangin khawchin leh sik leh sa hi an chhinchhiah a, January thla vawh lam chawhruala lakin a vawh ber tum chu 1992 January kha a ni a, khami thla kha chawhrualin 14.7°C a ni.
2016 January kha chawhrualin 15.1°C a ni a, 1992 leh 2016 tih lohvah chuan 2024 January hi chawhruala a vawh ber thla a ni.
Khaw lum leh vawh dan an teh hian, ni khata a vawh ber lai leh a lum ber lai an chhinchhiah thin. Kuminah January thlaa ni tina a vawh ber lai kha chawhrualin 15.6°C a ni a, ni tina a lum ber lai kha chawhrualin 18.9°C a ni.
State Meteorological Centre enkawltute sawi danin, kumin January kha a hniam lamah chuti lutukin a hniam ngai lo a, a lum ber laiin a sang ngai lo thung. A lum ber lai pawha temperature a hniam thin avangin khua kha a vawt a ni. 1990 atanga 2024-a kum tina January thla vawh lam an chawkrual a, January thlaah hian kum 34 chhungin a vawh ber lai chawhrual chu 11.2°C niin, a lum ber lai chawhrualin 23.1°C a ni. Kumin January thlaah a lum ber lai chawhrual a hniam zawk a, hei vang hian mipuiin vawt an ti tih chu an sawi dan a ni.
A vawh thlaah khua vawt
