Delhi minister leh senior AAP leader Atishi chuan Election Commission (EC) in show-cause notice a pek hnuah sawiselin EC chu BJP te tanpuitu pawl em ni a nih a ti.
EC ten notice an pekna chhan hi Atishi in BJP te chuan an party a zawm lo a nih chuan Enforcement Directorate ten thlakhat chhungin an man dawn tia an thlem tia a sawi vang a ni.
Press conference a neihah Atishi chuan EC notice chu media hnenah BJP te chuan Election Commission in a email kaltlanga an hrilh hma darkarah an tiputru tawh tiin a sawi bawk.
Eng vangin nge Election Commission chuan inthlan hmaa Delhi Chief Minster Arvind Kejriwal chu an man leh Congress bank account te freeze avangin central agency-te hnenah notice a pek si loh tiin zawhna a siam bawk a.
Election Commission chu BJP thuhnuaia awm em ni a ni tih a inzawh thu sawiin, Atishi chuan Aam Aadmi Party te chuan poll panel hnenah BJP te hoarding leh poster dan kalh nia an ngaihte an thlen pawhin engtin mah khawihin an awm lo a ti bawk a.
Atishi chuan Election Commission notice chu a chhan tur thu sawiin chutihrual chuan EC chu neutral leh tanbik nei lo nia inthlanna felfai leh thianghlim kalpui tur a ni a ti bawk.
AAP hotu Atishi in EC khak
