Steering Committee of Aspirational Block Programme chu an chairman, bawrhsap Dr Lalngura Tlau hoin Zirtawpni khan an thukhawm.
Chairman sawi danin, Aspirational Block Programme (ABP) chung NITI Aayog hmalakna a ni a, India ram pumah block hmasawn ngai zual thlanchhuah bik 500 ah hmasawnna chak zawka kalpui tumna atana ruahman a ni. Tunhnaia ABP 2023 delta ranking a tihchhuahah Ngopa Block-in Zone 1 – hilly and North Eastern areas-ah lawmman pahnihna an la a ni. Mitinte tan hmasawnna leh dinhmun tha zawk neih theih nan he programme hi siam a ni tih sawiin, an zavai atan pawimawh tih a sawi a ni.
ABP fellow Lalramliana Ngente chuan key performace data awm dan hrang hrang a report a. Health, nutrition, education, agriculture, basic infrastructure leh social delevopment chungchang thlir ho a ni a, harsatna awm thei leh tan lakna tur pawh sawi a ni.
An harsatna sawiin, internet network leh chhan dang avanga duh anga hnathawh leh report pek a remchan thin loh chang an neih thin thu leh chak zawka tan lak dan tur sawi a ni.
Tunhnaiah Niti Aayog Aspirational Block – 1st delta ranking-ah Ngopa Block ami Saitual district chu pahnihna niin, cheng vaibelchhe 1 a dawng. Tun tum thutkhawmah hian June thla report baseline atanga hmasawnna ngaihna thlirho a ni.
ABP-a hmalak dan thlirlet
