Ace of Base docuseries tlangzarh dawn
Swedish pop band ropui berte zinga mi Ace of Base lar chhuah dan leh an hun tawp lam chanchin tarlanna documentary series chu tun thlasikah hian an tichhuak dawn ta. He docuseries-ah hian ome movie footage la tihchhuah ngai loh bakah band member-te interview thar, an business team, music executive, artists leh cultural critics interview te pawh a awm ang. A docuseries hmingah hian ‘Ace of Base: All That She Wants’ tih a ni a, December ni 5-ah an tlangzarh dawn a, streaming service hrang hrangah a en theih ang.
He Swedish quartet- Ulf Ekberg leh a naute Jonas, Jenny leh Malin Berggren te hi an hla hit ‘All That She Wants’ avangin khawvelin a hmelhriat tan a, he hla hi Billboard Hot 100 chart-ah No.2 a kai a, an hla dang ‘The Sign’ chu Hot 100 No.1 a kai pha bawk.
Ace of Base hian Hot 100 chart top 40-a lang thei hla pasarih neiin, chung zingah chuan ‘Don’t Turn Around’ pawh a tel a, an album ‘The Sign’ chu Billboard 200 chart-ah No.1 kai thei bawk.
Ace of Base docuseries tlangzarh dawn
