AIFF Youth League Khelh mekah nilaini khan Aizawl FC Under 17 chuan Football 4 Change Academy chu harsa takin an hneh a. AFC Under 17 team hian table-ah hma an hruai mek.
Inkhel hmuhnawm takah hian Aizawl FC hian Football 4 Change Academy lakah goal an chhuah hmasa. Hma taka goal an chhuah hi minute 23-naah H. Lalruatfela chuan penalty atanga goal thunin an si phurh a sut a, 1-1 a inhnehtawk chungin chawlhlawk an hmang. .
Chawlhlawk hnu lamah team pahnihten hnehna chan ngei tumin tan an khawh a, an innawr tawn na dun viau. Hun rei tak chhung goal lut a awm theih loh hnuin hun pek belh minute 90+6-ah H. Lalruatfala chuan goal pawimawh tak a thun a. Inkhel inbuk tawk takah 2-1 in hnehna an chang a, point thum hlu tak an hmu.
Football 4 Change Academy lakah harsa taka chak Aizawl FC hian an khelh hmasak berah hnehna an lo chang zawn tawh a. Game hnih khel tawhin, khelh khata khel tlem chungin table-a hmahruaitu an ni a. February ni 2, Zirtawp chawhnu dar 2:00 hian North East United an hmachhawn zui leh ang.
Aizawl FC Under 17 enkawl tu Head Coach Victor Lalbiakmawia chuan round hnih khel tur an ni a, bul an tan tha a playoff tling turin he an round khelh mek chu khelh that a tul thu a sawi.
AFC U-17 an chak zawn
